នគរបាលខណ្ឌសែនសុខឃាត់ខ្លួនជនសង្ស័យម្នាក់ ប្រើប្រាស់អាវុធដោយគ្មានការអនុញ្ញាត
16-May-2018 | ដោយ ពលមនសិការ
ភ្នំពេញ ៖ កម្លាំងល្បាតអធិការដ្ឋាននគរបាលខណ្ឌសែនសុខ ឃាត់ខ្លួនជនសង្ស័យម្នាក់ករណីប្រើប្រាស់អាវុធដោយគ្មានការអនុញ្ញាត(អាវុធខ្លីប្រើខ្យល់) កាលពីថ្ងៃទី១៥ ខែឧសភា ឆ្នាំ២០១៨ នៅចំណុចផ្លូវបេតុង ភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ។
លោកវរសេនីយ៍ឯក ហួរ ម៉េងវ៉ាង អធិការខណ្ឌសែនសុខបានឱ្យដឹងថាជនសង្ស័យឈ្មោះ ឈុន ផានិត ភេទប្រុស អាយុ ២១ឆ្នាំ មុខរបរសិស្ស ស្នាក់នៅផ្ទះសង់ថ្មី ភូមិដំណាក់ សង្កាត់ភ្នំពេញថ្មី ខណ្ឌសែនសុខ។
សម្ភារៈដកហូត ៖ អាវុធខ្លី ០១ដើម ម៉ាកឡុក១៧ លេខDMD076 ផលិតនៅប្រទេសអូទ្រីស (ប្រភេទប្រើខ្យល់),ម៉ូតូ ០១គ្រឿងម៉ាកធូដេ ពណ៌ផ្កាឈូកលាយស បាញ់ថ្នាំពណ៌ត្រួយចេក ពាក់ស្លាកលេខភ្នំពេញ 1FK-8009។
លោកអធិការបន្តថា មុនពេលកើតហេតុ កម្លាំងល្បាតអធិការដ្ឋាននគរបាលខណ្ឌសែនសុខ បានល្បាតក្នុងភូមិសាស្ត្រ លុះដល់ចំណុចកើតហេតុខាងលើ ឃើញជនសង្ស័យជិះម៉ូតូ០១គ្រឿងស្ពាយកាបូបក្រណាត់ពណ៌ខៀវខ្ចី ដោយមានការសង្ស័យ កម្លាំងយើងក៏ហៅឱ្យឈប់រួចត្រួតពិនិត្យរកឃើញអាវុធខ្លី០១ដើមខាងលើ និងបានឃាត់នាំខ្លួនយកមកធ្វើការសាកសួរនៅអធិការដ្ឋាននគរបាលខណ្ឌសែនសុខតែម្តង។ បច្ចុប្បន្នជនសង្ស័យនិងវត្ថុតាងកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធីច្បាប់ ។
ចំនួនអ្នកទស្សនា
- ថ្ងៃនេះ7951
- ម្សិលមិញ9421
- សប្តាហ៍នេះ63611
- ខែនេះ178761
- ឆ្នាំនេះ178761
- សរុប20621217